شهامة سائق مع مواطنة تشعل «فيس بوك».. وتؤكد: «أنا مش هنسى اللي عمله»

شهامة سائق مع مواطنة تشعل «فيس بوك».. وتؤكد: «أنا مش هنسى اللي عمله»

    شهامة سائق مع مواطنة تشعل «فيس بوك».. وتؤكد: «أنا مش هنسى اللي عمله»   

    روت المواطنة خلود عمر، عبر حسابها الشخصي على موقع التواصل الإجتماعي "فيس بوك"، قصتها مع سائق إحدى شركات النقل الشهيرة، والذي قام بمساعدتها بعد أن شعرت بتعب مفاجئ، مشيدة بموقفه معها. 

    وكتبت خلود عبر حسابها الشخصي على "فيس بوك": " كلمه شكر للكابتن ده فعلا .. انا عملت اوردر الساعه ١١ كنت مروحه و تعبانه جدا ضغطي عالي اوي و دايخه جدا".

    وأضافت: "ركبت معاه بعدها ب ٥ دقايق قولتله اقف لي عند صيدليه ونزلت جريت عالصيدليه اقيس الضغط و سبت شنطتي و كل حاجتي في عربيته المهم ضغطي طلع عالي اوي و خدت دواء وبعدها حسيت اني عايزه ارجّع و قولتله ف نزل جري وساب العربيه في نص الشارع و جابلي كيس وفضل واقف جنبي مش راكب العربيه و بعدها لقتني تعبانه جدا قالي انا هوديكي مستشفي يا استاذه انا اختي اسمها خلود و شبهك وفي سنك وانا حاسس انك هي ف مش هسيبك والله".

    وتابعت: "قولتله لا بلاش مستشفي وروحنا صيدليه تاني وكنت تعبت اكتر و مش قادره امشي اصلا .. اخدت حقنتين في الصيدليه و هو كان عاوز يحاسب بس خليته يجيب شنطتي من العربيه و يحاسب من محفظتي و رجعت انا عالعربيه 'مع العلم اني لسه قبضه و في فلوس في المحفظه كتير' .. مشينا و فضل طول الطريق يلف يقولي ها احسن؟ ويهزر ويضحك معايا علشان افوق وبعدين قالي طلعيلي رقم حد لو حصل حاجه اكلمه و بقي خايف عليا جدا و علشان الصيدلي قاله لازم تاكل ف لقيته بيركن ونازل يشتريلي اكل وعصير! لحد ما وصلت تحت بيتي و نزل وقف ادام باب البيت قالي اطلعي يا فندم ورنيلي امشي انا هفضل واقف لحضرتك علشان لو حسيتي بدوخه عالسلم ."

    واختتمت: "انا مش هنسي اللي عمله الكابتن ده فعلا محدش قريب مني كان هيعمل اللي عمله .. مصر لسه بخير اهه مش كلهم بيخطفوا و يسرقوا و يتنيلوا و ده ابسط مثال انا كنت فعلا تعبانه لدرجه عمري ما وصلتلها و كل فلوسي كانت ادامه ف متعمموش بالوحش".

     

    إرسال تعليق

    ظ…ط³ط§ط­ط© ط§ط¹ظ„ط§ظ†ظٹط©
    ظ…ط³ط§ط­ط© ط§ط¹ظ„ط§ظ†ظٹط©
    ظ…ط³ط§ط­ط© ط§ط¹ظ„ط§ظ†ظٹط©
    ظ…ط³ط§ط­ط© ط§ط¹ظ„ط§ظ†ظٹط©
    ظ…ط³ط§ط­ط© ط§ط¹ظ„ط§ظ†ظٹط©